O‘zbekiston Prezidenti Shavkat Mirziyoyev Toshkentda bunyod etilayotgan halqa metro liniyasi qurilishi bilan 28-oktabr kuni tanishdi, deya xabar bermoqda O‘zA.
Prezidentning ta’kidlashicha, mazkur loyiha O‘zbekiston poytaxti uchun katta iqtisodiy va ijtimoiy ahamiyatga ega.
Har tomonlama qulay, arzon va xavfsiz bo‘lgan mazkur transport tarmog‘i barpo etilishi poytaxtimiz uchun ulkan iqtisodiy-ijtimoiy ahamiyatga ega. Toshkent shahrida transportga bo‘lgan ehtiyojni ta’minlash, bu masalaga oqilona yechim topish doimiy e’tibordagi masalalardan.Ma’lumot uchun, 52,1 kilometrlik mazkur halqa metro liniyasi qurilishi besh bosqichda amalga oshiriladi va u 2017—2021-yillarga mo‘ljallangan. Prezident mazkur liniyani 2020-yilda foydalanishga topshirish haqida ko‘rsatma berdi.Mazkur loyihani amalga oshirishda aholi uchun qulay bo‘ladigan yechimlarga tayanildi. Natijada metroning boshqa yo‘nalishlari bilan oqilona bog‘lash orqali shahar transporti yuklamasini yengillashtirishga olib keladigan ushbu loyiha tanlandi.
Shavkat Mirziyoyev, O‘zbekiston Prezidenti
Izoh (0)