Toshkent metrosida asr qurilishi: “Do‘stlik”dan Qo‘yliqqa, Qo‘yliqdan “Olmazor”ga, “Olmazor”dan “Beruniy”ga, “Beruniy”dan “Bodomzor”ga, “Bodomzor”dan yana “Do‘stlik”ga!

Qayd etishlaricha, 2017—2021-yillarga mo‘ljallangan loyiha besh bosqichda amalga oshiriladi.

Dastlabki bosqichda Toshkent metropolitenining “Do‘stlik” bekatidan Qo‘yliq bozorigacha bo‘lgan qismi quriladi. Uzunligi 11 kilometr bo‘lgan ushbu qismda 8 ta bekat bunyod etilishi mo‘ljallanmoqda. O‘zA axborotida loyihaning dastlabki bosqichi bajarilish muddati haqida ma’lumot berilmagan.

Ikkinchi bosqich Qo‘yliq bozori bilan “Olmazor” bekatini bog‘laydi. Uchinchi bosqichda “Olmazor”dan “Beruniy” bekatigacha bo‘lgan qism barpo etiladi. To‘rtinchi bosqichda inshoot “Beruniy”dan “Bodomzor” bekatigacha quriladi, so‘nggi — beshinchi bosqichda liniya yana “Do‘stlik” bekatiga ulanadi.