AQSh Davlat departamenti sanksiyalar siyosati bo‘yicha maxsus koordinator lavozimini bekor qildi

AQSh Davlat departamenti sanksiyalar siyosati bo‘yicha maxsus koordinator lavozimini bekor qildi. Bu haqda “Gazeta.ru” xabar bermoqda.

“Biz o‘tgan oyda Kongressni qator maxsus vakillar bo‘yicha o‘zgarishlar, jumladan, sanksiyalar siyosati bo‘yicha maxsus koordinator lavozimi bekor qilinishi va uning vakolatlari siyosiy rejalashtirish boshqarmasi xodimlariga topshirilishi haqida ogohlantirdik”, — dedi departament vakili.

Foreign Policy nashriga ko‘ra, sanksiyalar bilan shug‘ullangan bo‘limni AQSh Davlat kotibi Reks Tillerson tugatdi. Endi Davlat departamenti va boshqa hukumat muassasalarida sanksiyalar masalasini o‘rta darajadagi bir mansabdor — siyosatni rejalashtirish boshqarmasi direktori o‘rinbosari Devid Tessler muvofiqlashtiradi.

Sanksiyalar bo‘yicha bo‘lim ma’muriyat kongress avgustda qabul qilgan Rossiyaga qarshi yangi sanksiyalarni 1-oktabrdan joriy etish imkoniyatini boy berganidan so‘ng tarqatib yuborilgani bildirilmoqda.