Finlyandiyada zirhli avtomobilning poyezd bilan to‘qnashishi oqibatida to‘rt kishi halok bo‘ldi. Bu haqda “RBK” xabar berdi.
Yo‘l-transport hodisasi 26-oktabr kuni ertalab mamlakat janubi-g‘arbida joylashgan Raasepori shahridagi temir yo‘l kesishmasida sodir bo‘lgan.
Yo‘lovchi poyezdi Karya shahridan Xankoga qarab harakatlanayotgan bo‘lgan. Halok bo‘lganlarning uch nafari harbiy, yana biri esa poyezd yo‘lovchisi.
To‘qnashuv oqibatida 11 kishi jarohat olgan, ularning yetti nafari shifoxonaga yetkazilgan. Shifokorlarning ta’kidlashicha ularning ahvoli og‘ir.
Jabrlanganlar orasida to‘rt nafar harbiy xizmatchi bor. Ayni vaqtda temir yo‘lning YTH sodir bo‘lgan uchastkasi vaqtincha yopilgan.
Izoh (0)