Braziliya parlamenti quyi palatasi mamlakat prezidenti Mishel Temerga nisbatan korrupsiyada ayblov e’lon qilishga qarshi ovoz berdi. Bu haqda “Vedomosti” ma’lum qildi.
Ayblov olib tashlanishi uchun 513 ovozdan kamida uchdan biri — 171 tasini to‘plash talab etilardi. Temerni yoqlab 251 nafar deputat ovoz berdi , 233 deputat esa tergov davom ettirilishini ma’qulladi.
Mamlakat qonunlariga ko‘ra, Braziliya Oliy sudi parlament taqdim etadigan sanksiyasiz prezidentga ayblov e’lon qilish huquqiga ega emas.
Ma’lumot uchun, Braziliya parlamenti avgust oyida ham Temerga nisbatan ilgari surilgan poraxo‘rlik ayblovini qo‘llab-quvvatlamagandi.
Izoh (0)