Tayvan ma’muriyati rahbari Say Inven 26-oktabr kuni Pekinni orol hukumati bilan uzoq davom etgan adovatga nuqta qo‘yish uchun muzokara o‘tkazishga chorladi. Bu haqda “TASS” xabar bermoqda.
Say Inven Xitoy kompartiyasi “boshqaruvning yangi davri”ga o‘tayotganini ma’lum qilib, Tayvan bo‘g‘ozining ikki sohili o‘rtasidagi munosabatlarni yaxshilashning ayni payti kelganini ta’kidladi.
“Hozir o‘zgarishlar uchun ayni fursat keldi. Men har ikkala tomonni aholining uzoq muddatli farovonligi uchun murosaga kelishga va adovatga barham berishga chaqiraman”, — deydi.
Pekin 1949-yildagi fuqarolar urushidan keyin Tayvan ustidan boshqaruvni qo‘ldan boy bergan edi. Biroq o‘z-o‘zini boshqaruvchi orol mustaqilligi haqida rasman e’lon qilgudek bo‘lsa, mamlakat harbiy kuchlarni ishga solishi ehtimoli mavjud.
2008—2016-yillarda Tayvan va Xitoy o‘rtasidagi munosabatlar iliqlashgan edi. Biroq Tayvan hukumatiga Say Inven rahbar bo‘lib kelganidan so‘ng munosabatlar yana keskinlashdi.
Izoh (0)