AQShning hozirda hayot bo‘lgan barcha besh nafar sobiq prezidenti Texasdagi xayriya konsertida ishtirok etdi. Tadbirdan tushgan mablag‘ to‘fonlardan jabr ko‘rgan amerikaliklar ehtiyoji uchun yo‘naltiriladi, deb xabar beradi “TASS”.
Uch soat atrofida davom etgan konsert “Xarvi” to‘foni jiddiy zarar yetkazgan Kollej-Steyshn shahridagi qishloq xo‘jaligi va mashinasozlik universitetida bo‘lib o‘tdi. Faxriy mehmonlar qatoridan AQShning sobiq yetakchilari — Jimmi Karter, Bill Klinton, katta Jorj Bush, kichik Jorj Bush va Barak Obama joy oldi.
Katta Jorj Bushdan tashqari ularning barchasi sahnadan turib to‘planganlarga murojaat qildi. Shuningdek, konsert davomida AQShning amaldagi prezidenti Donald Trampning chiqishi videoyozuvi translyatsiya qilindi.
Sobiq davlat rahbarlari sentabr oyi boshidan beri o‘tkazib kelayotgan xayriya kampaniyasining rasmiy vakillari bugungi kungacha jami 31 million dollar to‘plashga muvaffaq bo‘linganini bildirdi.
Izoh (0)