AQSh boshchiligidagi koalitsiya aviazarbalari oqibatida Raqqa vayronalari ostida minglab tinch aholi qolib ketdi. Bu haqda Rossiya mudofaa vazirligi rasmiy vakili Igor Konashenkov ma’lum qildi, deb xabar beradi “Gazeta.ru”.
Konashenkovga ko‘ra, “Raqqaning boshiga 1945-yilda AQSh va Angliya bombardimonlari oqibatida yer yuzidan supurib tashlangan Drezdenning kuni tushdi”.
“G‘arb davlatlarining faqat Raqqaga moliyaviy yordam ko‘rsatishiga shoshishlarini nima bilan izohlash mumkin? Faqat bir narsa — Raqqa vayronalarida minglab kishilarni ko‘mgan AQSh va koalitsiya aviatsiyasining vahshiyona bombardimonlari izini tezroq yo‘qotishga intilish bilan”, — dedi Rossiya mudofaa vazirligi vakili.
Izoh (0)