Turkiyaning Shirnak viloyatidagi ko‘mir konida yuz bergan portlash oqibatida olti konchi halok bo‘ldi. Bu haqda “RBK” xabar bermoqda.
Xabar berishlaricha, shaxtada ko‘chki yuz bergan. Hodisa joyiga qutqaruvchilar va tibbiyot xodimlari yetib borgan. NTV telekanali ma’lumotiga ko‘ra, ikki konchi qutqarib qolingan.
Turkiya Energetika va tabiiy resurslar vazirligi axborotiga ko‘ra, mazkur shaxtada kon ishlarini olib borish uchun tegishli litsenziya bo‘lmagan, u 2013-yilda olib qo‘yilgan edi.
Turkiyaning Soma shahri yaqinidagi shaxtada 2014-yili yuz bergan portlash oqibatida 301 kishi halok bo‘lgan edi. Portlash ro‘y bergan vaqtda shaxtaga 787 kishi bo‘lgan.
Izoh (0)