Туркиянинг Ширнак вилоятидаги кўмир конида юз берган портлаш оқибатида олти кончи ҳалок бўлди. Бу ҳақда «РБК» хабар бермоқда.
Хабар беришларича, шахтада кўчки юз берган. Ҳодиса жойига қутқарувчилар ва тиббиёт ходимлари етиб борган. НТВ телеканали маълумотига кўра, икки кончи қутқариб қолинган.
Туркия Энергетика ва табиий ресурслар вазирлиги ахборотига кўра, мазкур шахтада кон ишларини олиб бориш учун тегишли лицензия бўлмаган, у 2013 йилда олиб қўйилган эди.
Туркиянинг Сома шаҳри яқинидаги шахтада 2014 йили юз берган портлаш оқибатида 301 киши ҳалок бўлган эди. Портлаш рўй берган вақтда шахтага 787 киши бўлган.
Изоҳ (0)