12-oktabrning e’tiborga molik yangiliklari — “Daryo”ning kechki dayjestida.
1. Vladivostokdagi YTHda ikki nafar o‘zbekistonlik halok bo‘ldi. Shuningdek, 6-oktabr kuni Vladimirda YTHga uchragan o‘zbekistonlik yo‘lovchilarning Rossiyaga olib kirilishini tashkil etgan shaxs hibsga olindi.
2. Kutib oling: O‘zbekiston Yoshlar ittifoqi logotipi. U 10 million so‘mga chizilgan (foto). Logotip haqidagi tanlov ancha avval e’lon qilingan bo‘lsa-da, g‘olib nomi ko‘rsatilmayotgan edi. Tashkilotning izohicha, logotipni Yoshlar ittifoqining rasmiy hujjatlarida foydalanish uchun tashkilot emblemasi sifatida davlat ro‘yxatidan o‘tkazish ishlariga biroz vaqt sarflangan.
3. Toshkent yuridik kolleji sobiq direktoriga nisbatan jinoyat ishi ochildi. U besh yilga qamalishi mumkin. Oktabr oyi boshida markaziy televideniye orqali kollej o‘quvchilarining tartibsizliklari va axloqsizliklari ko‘rsatilgandi. 6-oktabr kuni esa mazkur kollejda ikki o‘quvchi kollejdoshi tomonidan pichoqlandi, ulardan biri shifoxonada vafot etdi.
4. Jasur Ibrohimov ishi: Sudlanuvchining otasi marhumning davolanishi uchun 3 million so‘m sarflaganini aytdi. Shuningdek, bu ish doirasida Gabriel o‘rniga Zеmfira paydo bo‘ldi.
5. AQSh “Isroilga qarshi noxolislik” tufayli YuNЕSKO tarkibidan chiqadi. AQShning bu qarori 2018-yil 31-dekabrda kuchga kiradi.
Izoh (0)