Жасур Иброҳимов ишида пайдо бўлган Земфира, Ёшлар иттифоқининг 10 млн сўмлик логотипи, ЮНЕСКОни тарк этаётган АҚШ ва куннинг бошқа муҳим хабарлари

12 октябрнинг эътиборга молик янгиликлари — «Дарё»нинг кечки дайжестида.

1. Владивостокдаги ЙТҲда икки нафар ўзбекистонлик ҳалок бўлди. Шунингдек, 6 октябрь куни Владимирда ЙТҲга учраган ўзбекистонлик йўловчиларнинг Россияга олиб кирилишини ташкил этган шахс ҳибсга олинди.

2. Кутиб олинг: Ўзбекистон Ёшлар иттифоқи логотипи. У 10 миллион сўмга чизилган (фото). Логотип ҳақидаги танлов анча аввал эълон қилинган бўлса-да, ғолиб номи кўрсатилмаётган эди. Ташкилотнинг изоҳича, логотипни Ёшлар иттифоқининг расмий ҳужжатларида фойдаланиш учун ташкилот эмблемаси сифатида давлат рўйхатидан ўтказиш ишларига бироз вақт сарфланган.

3. Тошкент юридик коллежи собиқ директорига нисбатан жиноят иши очилди. У беш йилга қамалиши мумкин. Октябрь ойи бошида марказий телевидение орқали коллеж ўқувчиларининг тартибсизликлари ва ахлоқсизликлари кўрсатилганди. 6 октябрь куни эса мазкур коллежда икки ўқувчи коллеждоши томонидан пичоқланди, улардан бири шифохонада вафот этди.

4. Жасур Иброҳимов иши: Судланувчининг отаси марҳумнинг даволаниши учун 3 миллион сўм сарфлаганини айтди. Шунингдек, бу иш доирасида Габриэль ўрнига Земфира пайдо бўлди.

5. АҚШ «Исроилга қарши нохолислик» туфайли ЮНЕСКО таркибидан чиқади. АҚШнинг бу қарори 2018 йил 31 декабрда кучга киради.