Litva 2018-yildan Gruziyani rasman “Sakartvelo” deb atay boshlaydi. Bu haqda Forum Daily ma’lum qildi.
“Kelgusi yildan Vilnyus Gruziyani rasman ‘Sakartvelo’ deb nomlaydi. Tbilisiga ‘Gruziya’ so‘zi yoqmaydi, — ta’kidladi Litva Seymi raisi Viktoras Pransketis.
Sobiq prezident Mixail Saakashvili davrida, 2011-yilda mamlakat tashqi ishlar vazirligi boshqa davlatlardan kelib chiqishi ruscha bo‘lgan va 200 yilga cho‘zilgan Rossiya hukmronligini eslatadigan “Gruziya” o‘rniga “Sakartvelo” atamasini qo‘llashni so‘ragandi.
Biroq nomni o‘zgartirish haqida faqat Janubiy Koreya qaror qabul qildi. Shunday chaqiriq yo‘llangan Litva, Latviya va Yaponiya buni rad etdi, Chexiya esa gruzinlarning “istagini inobatga oldi”, biroq hech qanday harakatni amalga oshirmadi.
Izoh (0)