27-sentabr kuni soat taxminan 17:20 da fuqaro Muzaffar Ne’matov Yashnobod tumani hududida bir ayolga tegishli “Lada-2172” avtomashinasini olib qochgan. Bu haqda Toshkent shahar IIBB xabar berdi.
Boku ko‘chasida joylashgan do‘konning yonida eshiklari ochiq holda, qarovsiz qoldirilgan va kaliti o‘t oldirish joyida turganidan foydalanib, Muzaffar Ne’matov avtomashinani olib qochgan.
Mazkur holat yuzasidan Yashnobod tumani IIB tomonidan Jinoyat Kodeksining 267-moddasi 1-qismi bilan jinoyat ishi qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Izoh (0)