27 сентябрь куни соат тахминан 17:20 да фуқаро Музаффар Неъматов Яшнобод тумани ҳудудида бир аёлга тегишли «Lada-2172» автомашинасини олиб қочган. Бу ҳақда Тошкент шаҳар ИИББ хабар берди.
Боку кўчасида жойлашган дўконнинг ёнида эшиклари очиқ ҳолда, қаровсиз қолдирилган ва калити ўт олдириш жойида турганидан фойдаланиб, Музаффар Неъматов автомашинани олиб қочган.
Мазкур ҳолат юзасидан Яшнобод тумани ИИБ томонидан Жиноят Кодексининг 267-моддаси 1-қисми билан жиноят иши қўзғатилган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Изоҳ (0)