Shvetsiyada Rossiyaning 2018-yili mamlakatda bo‘lib o‘tadigan parlament saylovlariga aralashuvi ehtimolidan xavotir mavjud. Bu haqda Shvetsiyaning Moskvadagi elchisi Peter Erikson ma’lum qildi, deya xabar beradi “RIA Novosti”.
“Turli muassasalar, jurnalistlar va tadqiqotchilar Rossiya davlati hamda ayrim rossiyaliklarning Shvetsiyadagi bahslarga ta’sir o‘tkazishga harakatlarini payqadi. Bu saylovlar bilan to‘g‘ridan-to‘g‘ri bog‘liq emas. Bo‘rttirishni istamasdim, biroq bu bor holat”, — dedi Erikson.
Diplomatga ko‘ra, Shvetsiya rasmiylari mahalliy saylovlarga chetdan aralashish imkoniyatidan tashvishlanmoqda, biroq buning dalillari oshkor bo‘lishi ehtimoldan yiroq.
Ma’lumot uchun, Shvetsiya parlamenti — riksdagga saylovlar 2018-yil sentabriga mo‘ljallangan.
Izoh (0)