Швецияда Россиянинг 2018 йили мамлакатда бўлиб ўтадиган парламент сайловларига аралашуви эҳтимолидан хавотир мавжуд. Бу ҳақда Швециянинг Москвадаги элчиси Петер Эриксон маълум қилди, дея хабар беради «РИА Новости».
«Турли муассасалар, журналистлар ва тадқиқотчилар Россия давлати ҳамда айрим россияликларнинг Швециядаги баҳсларга таъсир ўтказишга ҳаракатларини пайқади. Бу сайловлар билан тўғридан-тўғри боғлиқ эмас. Бўрттиришни истамасдим, бироқ бу бор ҳолат», — деди Эриксон.
Дипломатга кўра, Швеция расмийлари маҳаллий сайловларга четдан аралашиш имкониятидан ташвишланмоқда, бироқ бунинг далиллари ошкор бўлиши эҳтимолдан йироқ.
Маълумот учун, Швеция парламенти — риксдагга сайловлар 2018 йил сентябрига мўлжалланган.
Изоҳ (0)