Indoneziya Qizil Xoch jamiyati o‘zining Twitter’dagi sahifasida Bali orolida joylashgan Agung vulqonining otilish ehtimolligi sabab 42 mingdan ortiq odam evakuatsiya qilinganini ma’lum qildi, deb xabar berdi “RIA Novosti”.
“Agung tog‘idan to‘qqiz kilometr radiusda 42 714 kishi xavfsiz joyga ko‘chirildi”, — deyiladi Qizil Xochning xabarida.
Avvalroq, Balida Agung vulqonining faolligi ortgani sabab 35 ming kishi evakuatsiya qilingani haqida xabar berilgandi. Indoneziya tabiiy ofatlar oqibatlarini bartaraf etish bo‘yicha milliy boshqarmasi ma’lumotlariga ko‘ra, evakuatsiya markaziga 14 tonna gumanitar yordam keltirilgan.
Mahalliy hukumat orolda favqulodda vaziyat holatini 1-oktabrga qadar belgiladi.
Izoh (0)