Россиядан ёқилғи етказиб бериш билан боғлиқ ташвишли вазият Қозоғистонда мунтазам авиақатновни хавф остига қўймоқда. Бу ҳақда мамлакатдаги йирик авиакомпанияларидан бири Air Astana вакиллари маълум қилди, дея хабар беради «Коммерсант.ru».
«Россиядан авиакеросин етказиб берилмаётгани ва Чимкент нефтни қайта ишлаш заводи тўхтатилиши кутилаётгани Қозоғистонда мунтазам авиақатнов барбод бўлиши хавфини туғдиради», — дейилади компания баёнотида.
Компанияга кўра, авиаёқилғи билан боғлиқ вазият 2017 йилда «Газпромнефть», «Роснефть», «Лукойл» ва «Татнефть»нинг жами ўртача ойлик экспорт ҳажми ўтган йилги 44 минг тоннадан 15 минг тоннагача камайганидан сўнг ёмонлашди.
Қозоғистон фуқаролик авиациясининг жорий йилда авиация ёқилғисига бўлган эҳтиёжи эса 800 минг тоннани ташкил этади.
Изоҳ (0)