Rossiyalik general-leytenant Valeriy Asapov IShID jangarilari tomonidan minomyotdan o‘q yog‘dirilishi natijasida halok bo‘ldi, deb yozadi Meduza Rossiya mudofaa vazirligiga tayanib.
Jangarilar Suriya armiyasining qo‘mondonlik punktiga hujum qilgan, u yerda Asapov ham bo‘lgan. General Dayr-az-Zor shahrini ozod qilish bo‘yicha operatsiyani boshqarishda yordamlashayotgan edi. U mina portlashidan o‘limga olib keluvchi jarohat olgan.
Asapov vafotidan keyin mukofotlanish uchun tavsiya qilindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.