Germaniya MSK bundestagga saylovlar natijalarini e’lon qildi

Germaniya Markaziy saylov komissiyasi mamlakat parlamentiga saylovlarning dastlabki yakunlarini e’lon qildi, deb yozadi “Gazeta.ru”.

Barcha okruglardan kelib tushgan ma’lumotlar ko‘rib chiqilgach, MSK Germaniya kansleri Angela Merkel rahbarligidagi Xristian-demokratik ittifoq/Xristian-sotsial ittifoq alyansi ovozlarning 33 foizini to‘plaganini ma’lum qildi (XDI — 26,8 foiz, XSI — 6,2 foiz). Undan keyingi o‘rinda Germaniya sotsial-demokratik partiyasi 20,5 foizlik natija bilan joylashdi.

Uchinchi o‘rinda — 12,6 foiz ovoz to‘plagan “Germaniya uchun alternativa” o‘nglar partiyasi.

Shuningdek, 5 foizlik chegaradan o‘tib, bundestagga Erkin demokratik partiya (10,7 foiz), “So‘llar” (9,2 foiz) va “Yashillar” (8,9 foiz) o‘tadi.