Germaniyada yil davomida 12 yoki 13 teraktning oldi olindi. Bu haqda mamlakat ichki ishlar vaziri Tomas de Mezer Bild gazetasiga bergan intervyusida ma’lum qildi.
Vazir mamlakatda xavfsizlik borasidagi vaziyat murakkabligicha qolayotgani, shu sabab turli maxsus xizmatlar o‘rtasidagi hamkorlikni kuchaytirish zarurligini bildirdi.
“Har kuni, har hafta teraktlar haqida yangi ogohlantirishlar paydo bo‘lmoqda, ularni jiddiy baholab borish lozim”, — dedi Tomas de Mezer.
Oldinroq Berlin politsiyasi 24 sentabr — bundestagga saylovlar kuni xavfsizlik choralari kuchaytirilishini ma’lum qildi.
Izoh (0)