Internetda Jeksonvilldagi (AQSh) harbiy-dengiz kasalxonasining ikki hamshirasi chaqaloqlarni tahqirlayotgani aks etgan foto va video tarqaldi. Bu haqda Forum Daily xabar bermoqda.
Fotolardan birida ayol bolaga o‘rta barmog‘ini ko‘rsatayotgani aks etgan va “Bu mitti shaytonlarga nisbatan aslida qanday munosabatda ekanligim” degan yozuv qoldirilgan. Videoda esa chaqaloq musiqaga monand harakat qilishga majburlangan.
Tasvirlar tarmoqda joylashtirilgandan so‘ng ular 100 mingdan ortiq marotaba ko‘rildi. Hamshiralar ishlagan kasalxona rahbariyati ham shu tariqa bundan xabar topdi.
Hozirda hodisa tafsilotlari o‘rganilmoqda, hamshiralar bu vaqt davomida kasallarga qarashdan chetlatildi.
Izoh (0)