Iroq Kurdistoni parlamenti 15-sentabr, juma kuni kechasi avtonom viloyat mustaqilligi uchun 25-sentabr kuni referendum o‘tkazishga ruxsat berdi. Bu haqda Rudaw telekanaliga tayanib,“RIA Novosti” xabar berdi.
Ikki yil oldin faoliyati to‘xtatilib qo‘yilgan Iroq Kurdistoni parlamenti 15-sentabr, juma kuni kechasi o‘z ishini yana qaytadan boshladi. Qonun chiqaruvchi kengashning yig‘ilishida asosiy masala avtonom viloyat mustaqilligiga bag‘ishlangan referendum o‘tkazilishi mavzusi bo‘ldi.
Iroq Kurdistoni avtonom viloyati hukumati markaziy hukumat fikriga quloq solmagan holda, 25-sentabr kuni Iroqdan ajralib chiqish referendumini o‘tkazishni belgiladi. Bag‘dod ushbu referendum o‘tkazilishini qonunga zid deya hisoblamoqda. Referendum o‘tkazilishiga qarshi Iroq parlamenti ham ovoz bergan.
Izoh (0)