Turkiya rasmiylari iyulda qo‘lga olingan fransuz jurnalisti Lu Byuroni ozod qildi, yaqin orada u yurtiga jo‘naydi. Bu haqda uning advokati Martel Pradel ma’lum qildi, deya xabar beradi “RIA Novosti”.
“Biz jurnalist Lu Byuro ozod etilganini ma’lum qilamiz. U yaqin orada Turkiyadan chiqarib yuboriladi. Shu bilan birga, Shirnoq sudi ishni yopgani yo‘q va kurashni davom ettirishga to‘g‘ri keladi”, — deya yozuv qoldirdi Pradel Twitter’dagi sahifasida.
Jurnalistni ozod qilish imkoniyati Fransiya tashqi ishlar vaziri Jan-Iv Le Drianning Turkiya prezidenti Rajab Toyyib Erdo‘g‘on bilan muzokaralaridan so‘ng tug‘ilgani taxmin qilinmoqda.
Ma’lumot uchun, TV5 Monde, Arte va Slate bilan hamkorlik qilgan fransuz mustaqil jurnalisti Lu Byuro 26-iyulda Iroq va Turkiya chegarasida qo‘lga olingandi.
Izoh (0)