IShIDning daromadlari ikki yil mobaynida 5 karra kamaydi. Bu haqda IHS Markit tahliliy markazi manbalariga tayanib, Italiyaning La Stampa nashri ma’lum qildi, deya xabar beradi “TASS”.
Gazetaga ko‘ra, IShID g‘aznasiga tushum 2015-yilgi 80 million dollardan 2017-yili 16 million dollargacha tushib ketdi.
Buning asosiy sababi jangarilar qo‘l ostidagi hudud tobora qisqarib borayotgani bilan bog‘liq: 10 million aholisi bo‘lgan 250 ming kvadrat kilometrdan iborat hududdan IShID nazoratida chorak qismidan kamrog‘i qolmoqda.
Shuningdek, Iroq va Suriya qurolli kuchlari bombardimonlari natijasida terrorchilar daromadining asosiy manbasi bo‘lgan neft konlari vayron etildi yoki qaytarib olindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)