Kubada 5 nafar kanadalik diplomat va ularning oilasi noma’lum tashqi tovush ta’siridan jabrlandi. Bu haqda vaziyat bilan tanish manbaga tayanib, CBC ma’lum qildi, deya xabar beradi “TASS”.
Telekanalga ko‘ra, tovush ta’siri alomatlari eshitish qobiliyatining yo‘qolishi, bosh og‘rig‘i va aylanishidan iborat. Garchi qator holatlarda tibbiy yordam talab etilgan bo‘lsa-da, barcha jabrlanganlar o‘ziga kelishga ulgurgani bildirilmoqda.
Manba Kanada fuqarolariga hujum qasddan uyushtirilganini da’vo qilmoqda. Boshqa tafsilotlar keltirilmagan.
Eslatib o‘tamiz, Kubada shunga o‘xshash holatlar AQSh diplomatlarida ham kuzatilgandi.
Izoh (0)