Hindistonning Jarkhand shtatidagi Jamshidpur shahrida yoshlarga qaratilgan tanlov boshlandi. Tanlovning mohiyati odamlarni chiqindi idishlaridan foydalanishga o‘rgatishdan iborat. Bu haqda TJournal xabar bermoqda.
Tanlovda ishtirok etish uchun chiqindi idishi bilan tushilgan selfini tanlov tashkiliy qo‘mitasining ofisiga olib kelish yoki Facebook’dagi maxsus sahifaga joylash kerak. Suratlar 30-sentabrgacha qabul qilinadi.
Uchta g‘olibga smartfonlar taqdim etiladi, yana 50 kishi shahar tozaligiga hissa qo‘shgani uchun ma’muriyat tomonidan minnatdorchilik sertifikatlari bilan taqdirlanadi.
“Yoshlar ko‘proq o‘ziga e’tibor qaratayotgani sababli biz ularning e’tiborini shahardagi tozalikka tortish maqsadida tanlovni boshlashga qaror qildik”, — dedi tanlov tashkilotchllaridan biri.
Tanlov boshlanishidan bir necha oy oldin Jarkhanddagi davlat maktabi o‘qituvchilari o‘quvchilardan uylaridagi hojatxonada selfi tushishni so‘ragan. Bu chora ham atrof-muhitning ifloslanishiga qarshi kurashga qaratilgan edi.
Izoh (0)