Каталония мустақиллиги бўйича референдум бўлмайди. Бу ҳақда 7 сентябрь, пайшанба куни Испания ҳукумати раиси Мариано Рахой маълум қилди, деб ёзмоқда «ТАСС».
«Мен Каталония маъмуриятининг айирмачиликка йўғрилган қарорлари аксилконституциявий экани юзасидан Конституциявий судга даъво киритиш ҳақида кўрсатма бердим. Референдум бўлмайди», — деди Мариано Рахой.
Рахойнинг сўзларига кўра, Каталония раҳбари Карлес Пучдемон «Каталония муаммосини референдумдан бошқа йўллар билан ҳал қилиш имкониятини ҳеч қачон қабул қилмаган».
«Балки хотиржам бўлиш керакдир? Ҳеч ким сизни ноқонуний хатти-ҳаракатларни қилишга ундамаяпти, қонун ҳар доим сизни ҳимоя қилади», — деди Испания бош вазири.
Изоҳ (0)