Putin Myanmadagi musulmonlarga qarshi zo‘ravonlikni qoraladi

Rossiya va Misr prezidentlari Vladimir Putin va Abdul Fattoh Xalil As-Sisiy Myanmadagi zo‘ravonlikni qoraladi va mamlakat hukumatini vaziyatni nazorat ostiga olishga chaqirdi, deb yozadi “Gazeta.ru”.

Bu haqda Rossiya prezidenti matbuot kotibi Dmitriy Peskov ikki yetakchining Xitoydagi BRIKS sammiti doirasida bo‘lib o‘tgan uchrashuvi yakunlari bo‘yicha ma’lum qildi.

“Prezident Putin ham, prezident As-Sisiy ham Myanmada bo‘layotgan hodisalar yuzasidan g‘oyat xavotir bildirdi, kim tomonidan kimga nisbatan, shu jumladan, musulmonlarga nisbatan qo‘llanilishidan qat’i nazar, zo‘ravonlikning har qanday ko‘rinishini qoraladi”, — dedi u.

Peskovning so‘zlariga ko‘ra, ikkala prezident ham Myanma hukumatini “vaziyatni iloji boricha tezroq nazorat ostiga olish”ga chaqirdi.