Россия ва Миср президентлари Владимир Путин ва Абдул Фаттоҳ Халил Ас-Сисий Мьянмадаги зўравонликни қоралади ва мамлакат ҳукуматини вазиятни назорат остига олишга чақирди, деб ёзади «Газета.ru».
Бу ҳақда Россия президенти матбуот котиби Дмитрий Песков икки етакчининг Хитойдаги БРИКС саммити доирасида бўлиб ўтган учрашуви якунлари бўйича маълум қилди.
«Президент Путин ҳам, президент Ас-Сисий ҳам Мьянмада бўлаётган ҳодисалар юзасидан ғоят хавотир билдирди, ким томонидан кимга нисбатан, шу жумладан, мусулмонларга нисбатан қўлланилишидан қатъи назар, зўравонликнинг ҳар қандай кўринишини қоралади», — деди у.
Песковнинг сўзларига кўра, иккала президент ҳам Мьянма ҳукуматини «вазиятни иложи борича тезроқ назорат остига олиш»га чақирди.
Изоҳ (0)