Abdulla ismli ganalik dehqon aerosyomka uchun mo‘ljallangan dronni ko‘rganida, Turkiya televideniyesi jurnalistiga shunday savol berdi: “Meni Makkaga olib bora olishi uchun uni kattaroq qilish iloji bormi?” Bu haqda “Islam-today.ru” xabar bermoqda.
TRT World telekompaniyasi jurnalistlari ganalik dehqonlar turmushini suratga olish uchun Ganadagi qishloqlardan biriga kelgan edi. Jurnalist yozishicha, ulardan biri telekompaniyada Makkaga borish uchun kattaroq dronlar bor-yo‘qligiga jiddiy qiziqib qolgan.
Jurnalist bu haqda Twitter’da yozgach, kutilmagan voqea yuz berdi: turkiyalik oddiy odamlar va tadbirkorlar unga murojaat qilib, ganalikning orzusini ro‘yobga chiqarishni taklif etdi.
Masalaga Turkiya tashqi ishlar vazirligi aralashdi. Natijada Abdulla hozir allaqachon Istanbulda va Makkaga uchib ketishni kutmoqda.
Izoh (0)