Gabar taxallusli rossiyalik bloger ijtimoiy tajriba o‘tkazish uchun yopiq mashinada bir soatdan ortiq o‘tirdi. Tajriba aks etgan video blogerning YouTube’dagi kanaliga joylandi.
Videoda mo‘ynali kiyim kiygan Gabar 40 darajada isitilgan mashina salonida o‘tirishga harakat qilgani aks etgan. Bloger bu orqali yopiq avtomobilda qoldirib ketilgan bolalar va uy hayvonlari o‘zini qanday his qilishini tushunishga harakat qilgan.
“Bolaning sog‘ligiga tuzatib bo‘lmas zarar yetkazish uchun olti daqiqa yetishini tushunaman”, — deydi tinimsiz terlayotgan bloger.
60 darajali issiqqa chiday olmagan Gabar bir soatdan keyin mashinadan chiqdi. Yigit barchani bolalarga va hayvonlarga diqqat bilan munosabatda bo‘lishga chaqirgan.
Izoh (0)