Yo‘qolib qolgan nikoh uzugini qayta qo‘lga kiritgan xitoylik biznesmen besh ming kishiga bepul ugra ulashdi, deb yozmoqda The South China Morning Post.
Guanjoulik tadbirkor Chuntsin shahriga sevgan qiziga turmush qurish taklifi bilan kelgan. U sevgan qizi uchun og‘irligi uch karat bo’lgan olmos ko‘zli uzukni 300 ming yuanga sotib olgan. Biroq uzuk solingan sumkani ugra sotiladigan oshxonada unutib qoldirgan.
Oshxonaga kelganlardan biri sumkani topib olib, menejerga bergan. Menejer esa uni o‘z egasiga qaytargan. Ertasi kuni u Chuntsin shahri aholisining yaxshiligi uning rejasini amalga oshirishga yordam berganini ma’lum qilgan. U sevgan qiziga uzukni hadya qilgan va qiz turmushga chiqishga rozi bo‘lgan.
Buni nishonlash uchun biznesmen restorandan besh ming portsiya ugra sotib olgan. Mehmondorchilik uchun hosil bo‘lgan navbatning uzunligi 100 metrga yetgan.
Izoh (0)