Avstraliyaning Ausdroid nashri jurnalistlari qo‘liga yangi Samsung flagmani reklama buketi kelib tushdi, deb yozadi “Hi-tech.mail.ru”. Unda aytilishicha, smartfon kelasi hafta tillarang va qora tuslarda sotuvga chiqadi. Yangi Deep Blue Sea rangi keyinroq paydo bo‘ladi, deb taxmin qiladi nashr.
Broshyuraga ko‘ra, Galaxy Note 8 6,3 dyuymli 1440×2960 pikselli Super AMOLED displey, Qualcomm Snapdragon 835 + Adreno 540 yoki Samsung Exynos 9 Series 8895 + Mali-G71 MP20 chipi, 6 Gb tezkor va 64 Gb doimiy xotira (+microSD), 12 megapikselli qo‘sh kamera (asosiy) va 8 megapikselli old kamera, 3300 mA/soat sig‘imli akkumulyatorga ega bo‘ladi. Android 7.1.1 Nougat operatsion tizimida ishlaydi.
Broshyurada aytilishicha, qurilma Samsung’ning Smart Switch dasturini ko‘tara oladi, u barcha ma’lumotlarni eski qurilmadan yangisiga o‘tkazish imkonini beradi.
Kompaniya smartfonni 23-avgust kuni taqdim etadi, ertasi kuniyoq u sotuvga chiqishi kerak.
Izoh (0)