Sharp kompaniyasi Pekinda o‘zining yangi Aquos S2 flagmanini taqdim etdi. Ushbu flagmanning asosiy jihati — ekranining noodatiy shaklida, deb xabar berdi “Hi-tech.mail.ru”.
Qurilmaning ekrani deyarli butun old yuza qismini (frontal kamera o‘rnidan tashqari) egallaydi. PhoneArenaning ma’lum qilishicha, ishlab chiqaruvchilar frontal kameraning o‘lchamini 12 foizga kichraytirgan.
Sharp Aquos S2 juda kichkina barmoq izi skaneri bilan ta’minlangan, uning eni 3,6 millimetr. Barmoq izi skaneri displeyning pastki qismiga joylashtiriladi degan mish-mishlar o‘zini oqlamadi.
Qurilmaning orqa paneli 9 qatlamli kauchuk plastigidan, hoshiyasi esa metalldan ishlangan. Bu kabi yuza tirnalishlarga bardoshli bo‘ladi. Smartfon qora, oq, havorang va ko‘k ranglarda ishlab chiqariladi.
Texnik tavsifi:
- Displey: 5,5 dyuymli va IGZO 2040x1080 pikselli display, yorug‘ligi 550 nt, tomonlar nisbati 17:9, maydoni 87,5 foiz;
- Protsessori: Snapdragon 660 yoki 330 + 14 nanometrli texprotsessor, 8 yadroli Cortex-A53;
- Kamera: asosiy ikkitalik 12+8 megapiksell, frontal 8 megapiksell;
- Xotira: 4 yoki 6 gigabayt tezkor, 64 yoki 12 gigabayt ichki xotira;
- O‘lchami: 141,8x72,04x7,9 millimetr;
- Operatsion tizimi: Sharp Aquos S2 Android 7.0 Nougat.
Izoh (0)