Kaspiy flotiliyasi kemalari va harbiy qismlari jangovar tayyorgarlik bo‘yicha tadbirlarni amalga oshirmoqda. Bu haqda Janubiy harbiy okrug matbuot xizmati boshlig‘i Vadim Astafev ma’lum qildi, deya xabar beradi “Gazeta.ru”.
“Mashqlarga 1500 harbiy xizmatchi, 20 dan ortiq jangovar va ta’minot kemalari, shuningdek, 200 ta jangovar va maxsus texnika jalb etildi. Jumladan, Kaspiy flotiliyasining Astaraxan viloyati va Dog‘istonda joylashtirilgan qirg‘oq harbiy qismlari trevoga bo‘yicha ko‘tarildi hamda o‘quv-jangovar vazifalarni bajarishga kirishdi”, — ta’kidladi Vadim Astafev.
Harbiy qismlar shaxsiy tarkibi harbiy texnikani marsh o‘tkazishga tayyorladi, kemalar ekipaji esa dengizga chiqish va qurol qo‘llashni mashq qildi. Havo hujumiga qarshi mudofaa va joylashgan manzillarni yashirish bo‘yicha mashg‘ulotlar o‘tkazildi.
Izoh (0)