AQShning Illinoys shtati gubernatori Bryus Rauner farmon imzoladi. Unga ko‘ra, AQShning sobiq prezidenti Barak Obamaning tug‘ilgan kuni — 4-avgust mazkur shtatda Barak Obama kuni deb e’lon qilindi. Bu haqda “Gazeta.ru” xabar berdi.
Bayram 2018-yildan boshlab har yili nishonlanadi. Dastlab bu kunni qonuniy davlat bayrami deb e’lon qilmoqchi bo‘lishgan, biroq bu taklif muvaffaqiyatsizlikka uchragan.
“Prezident Obama o‘z yo‘lini bizning shtatimizdan boshlagani biz uchun beqiyos g‘urur. O‘ylaymanki, biz buni nishonlashimiz kerak”, — dedi Rauner.
Barak Obama 2017-yil 4-avgustda 56 yoshga kirdi.
Izoh (0)