AQSh Shimoliy Koreya bilan muzokaralar olib borish uchun o‘z shartlarini aytdi

Shimoliy Koreya yadro salohiyatini o‘stirish rejalaridan voz kechsa, AQSh u bilan muzokaralar olib borishga rozi bo‘ladi. Bu haqda AQSh davlat kotibi Reks Tillerson ma’lum qildi, deb yozadi “Korrespondent.net”.

Uning so‘zlariga ko‘ra, AQSh rejimni o‘zgartirishni yoki o‘z qo‘shinlarini Shimoliy va Janubiy Koreya chegarasiga yuborishni talab qilmayapti. Ammo KXDR ikkita qit’alararo ballistik raketa sinovidan keyin yuzaga keltirgan xavf nomaqbuldir.

“Biz dushman emasmiz, biz tahdid emasmiz, ammo siz nomaqbul xavfni tug‘diryapsiz va biz bunga javob qilishimiz kerak. Biz o‘tirib, kelajak haqida gaplashib olishni istardik. Bizning boshqa variantlarimiz jozibador emas”, — dedi AQSh davlat kotibi.