“Yagona umumrespublika protsessing markazi” (YUPM) OAJ Uzcard banklararo to‘lov tizimining himoyasi uchun DLP-tizimini joriy etdi, deb xabar berdi Norma.
Bugungi kunda Uzcard to‘lov tizimi a’zosi bo‘lgan — 26 ta bank tomonidan muomalaga chiqarilgan kartalarning o‘zaro xizmatlarini ta’minlaydi.
Tizim orqali o‘tuvchi katta miqdordagi maxfiy ma’lumotlar davlat va xalqaro standartlarga javob beruvchi eng zamonaviy texnologiyalardan foydalangan himoyani talab qiladi. YUPM mutaxassislari bir nechta tizimlarni sinovdan o‘tkazdi va “Search Inform axborotlar xavfsizligi konturi”ni tanlashga qaror qildi.
“Biz AXBning ko‘p funksiyali ekanligini, sozlamalarining qulayligini va ma’lmotlarni turli aloqa kanallari orqali qabul qilsh imkoniyatining kengligi uchun yuqori baholadik. Bunda asosiy masala tizim imkoniyatlarining Payment Card Industry Data Security Standard’ga (PCI DSS), Visa, MasterCard, American Express, JCB hamda Discover xalqaro to‘lov tizimlariga mos kelishi bo‘ldi. AXB sinov bosqichidayoq o‘zining to‘lov kartalari ma’lumotlarining xavfsizligini ta’minlash bo‘yicha keng qamrovli yondashuvini namoyish etdi”, — dedi YUPM axborot xavfsizligi boshqarmasi boshlig‘i Aziz G‘ofurov.
“Search Inform AXB” yordamida to‘lov kartalaridagi ma’lumotlar Uzcard tizimidagi ishonchli nazorat qilinuvchi turlardan biriga aylandi. Ayniqsa, xodimlarning email-yozishmalari, ovoz va matnli xabarlari, shuningdek, jo‘natilgan fayllar, bulutli servisga yuborilgan yoki undan qabul qilingan ma’lumotlar, forumlardagi postlar va bloglardagi izohlar, chop etish uchun yuborilgan tashqi qurilmalar hamda hujjatlar nazorat qilinadi. Tahlil real vaqt rejimida amalga oshiriladi, biroq ko‘p narsani retrospektiv tahlil qilish imkoniyati hal qiladi. Axir YUPM ma’lumotlar xavfsizligi tizimi boshqa tashkilotlar kabi yakunlangan mahsulot emas, balki doimiy ravishda takimillashtirilib boriladigan jarayon”, — deya qo‘shimcha qildi Aziz G‘ofurov
Izoh (0)