«Ягона умумреспублика процессинг маркази» (ЮПМ) ОАЖ Uzcard банклараро тўлов тизимининг ҳимояси учун DLP-тизимини жорий этди, деб хабар берди Norma.
Бугунги кунда Uzcard тўлов тизими аъзоси бўлган — 26 та банк томонидан муомалага чиқарилган карталарнинг ўзаро хизматларини таъминлайди.
Тизим орқали ўтувчи катта миқдордаги махфий маълумотлар давлат ва халқаро стандартларга жавоб берувчи энг замонавий технологиялардан фойдаланган ҳимояни талаб қилади. ЮПМ мутахассислари бир нечта тизимларни синовдан ўтказди ва «Search Inform ахборотлар хавфсизлиги контури»ни танлашга қарор қилди.
«Биз АХБнинг кўп функцияли эканлигини, созламаларининг қулайлигини ва маълмотларни турли алоқа каналлари орқали қабул қилш имкониятининг кенглиги учун юқори баҳоладик. Бунда асосий масала тизим имкониятларининг Payment Card Industry Data Security Standard’га (PCI DSS), Visa, MasterCard, American Express, JSB ҳамда Discover халқаро тўлов тизимларига мос келиши бўлди. АХБ синов босқичидаёқ ўзининг тўлов карталари маълумотларининг хавфсизлигини таъминлаш бўйича кенг қамровли ёндашувини намойиш этди», — деди ЮПМ ахборот хавфсизлиги бошқармаси бошлиғи Азиз Ғофуров.
«Search Inform АХБ» ёрдамида тўлов карталаридаги маълумотлар Uzcard тизимидаги ишончли назорат қилинувчи турлардан бирига айланди. Айниқса, ходимларнинг email-ёзишмалари, овоз ва матнли хабарлари, шунингдек, жўнатилган файллар, булутли сервисга юборилган ёки ундан қабул қилинган маълумотлар, форумлардаги постлар ва блоглардаги изоҳлар, чоп этиш учун юборилган ташқи қурилмалар ҳамда ҳужжатлар назорат қилинади. Таҳлил реал вақт режимида амалга оширилади, бироқ кўп нарсани ретроспектив таҳлил қилиш имконияти ҳал қилади. Ахир ЮПМ маълумотлар хавфсизлиги тизими бошқа ташкилотлар каби якунланган маҳсулот эмас, балки доимий равишда такимиллаштирилиб бориладиган жараён», — дея қўшимча қилди Азиз Ғофуров
Изоҳ (0)