9-sentabrda — ICTEXPO 2017 ko‘rgazmasi ochiladigan kuni “O‘zekspomarkaz” pavilyonlari ustida osmonga havo shari ko‘tariladi. Bu haqda “Gazeta.uz” xabar bermoqda.
Yil boshida tashkil etilgan O‘zbekiston aeronavtika federatsiyasi Milliy bank krediti hisobiga havoda parvozni rivojlantirish uchun mamlakatda birinchi uchish qurilmasi xarid qildi. Rossiyaning “Rusbal” korxonasida ishlab chiqarilgan havo shari Toshkentga joriy hafta oxirida kelishi kutilmoqda.
Havo shari sinovi avgustda Chorvoq suv ombori hududida o‘tkaziladi. Uni hozirda Rossiyada havoda parvoz qiluvchi qurilmalar uchuvchilari kursida tahsil olayotgan alpinist va sayohatchi Samad Xoshimov boshqaradi. Keyinchalik u bo‘lajak o‘zbek uchuvchilarini o‘qitadi.
Yangi havo sharining o‘lchami 5 qavatli uy bilan teng bo‘lib, kajavasi 4 yo‘lovchi va bir uchuvchiga mo‘ljallangan. Kelgusida unda Chimyon tog‘larida parvoz qilish mumkin bo‘ladi.
Izoh (0)