9 сентябрда — ICTEXPO 2017 кўргазмаси очиладиган куни «Ўзекспомарказ» павильонлари устида осмонга ҳаво шари кўтарилади. Бу ҳақда «Газета.uz» хабар бермоқда.
Йил бошида ташкил этилган Ўзбекистон аэронавтика федерацияси Миллий банк кредити ҳисобига ҳавода парвозни ривожлантириш учун мамлакатда биринчи учиш қурилмаси харид қилди. Россиянинг «Русбал» корхонасида ишлаб чиқарилган ҳаво шари Тошкентга жорий ҳафта охирида келиши кутилмоқда.
Ҳаво шари синови августда Чорвоқ сув омбори ҳудудида ўтказилади. Уни ҳозирда Россияда ҳавода парвоз қилувчи қурилмалар учувчилари курсида таҳсил олаётган альпинист ва саёҳатчи Самад Хошимов бошқаради. Кейинчалик у бўлажак ўзбек учувчиларини ўқитади.
Янги ҳаво шарининг ўлчами 5 қаватли уй билан тенг бўлиб, кажаваси 4 йўловчи ва бир учувчига мўлжалланган. Келгусида унда Чимён тоғларида парвоз қилиш мумкин бўлади.
Изоҳ (0)