Rossiya prezidenti Vadimir Putin telefon orqali O‘zbekiston Prezidenti Shavkat Mirziyoyevni 60 yoshi bilan tabrikladi. Suhbat chog‘ida ikki tomonlama hamkorlik bo‘yicha fikr almashildi. Bu haqda Rossiya prezidentining rasmiy saytida xabar berildi.
“Suhbat chog‘ida Rossiya prezidenti Vladimir Putin O‘zbekiston Respublikasi Prezidenti Shavkat Mirziyoyevni 60 yoshi bilan qizg‘in tabrikladi va kelgusi davlat ishidagi faoliyatida muvaffaqiyat tiladi”, — deyiladi xabarda.
Shuningdek, davlat rahbarlari O‘zbekiston Prezidentining 4—5-aprelda Rossiyaga amalga oshirgan davlat tashrifi yakunlari bo‘yicha ikki tomonlama hamkorlikning dolzarb masalalarini muhokama qildi.
Bundan tashqari, Rossiya prezidenti Shavkat Mirziyoyevga tabrik telegrammasini ham yo‘llagan.
Eslatib o‘tamiz, O‘zbekison Prezidenti Shavkat Mirziyoyev bugun 60 yoshga kirdi.
Izoh (0)