Россия президенти Вадимир Путин телефон орқали Ўзбекистон Президенти Шавкат Мирзиёевни 60 ёши билан табриклади. Суҳбат чоғида икки томонлама ҳамкорлик бўйича фикр алмашилди. Бу ҳақда Россия президентининг расмий сайтида хабар берилди.
«Суҳбат чоғида Россия президенти Владимир Путин Ўзбекистон Республикаси Президенти Шавкат Мирзиёевни 60 ёши билан қизғин табриклади ва келгуси давлат ишидаги фаолиятида муваффақият тилади», — дейилади хабарда.
Шунингдек, давлат раҳбарлари Ўзбекистон Президентининг 4—5 апрелда Россияга амалга оширган давлат ташрифи якунлари бўйича икки томонлама ҳамкорликнинг долзарб масалаларини муҳокама қилди.
Бундан ташқари, Россия президенти Шавкат Мирзиёевга табрик телеграммасини ҳам йўллаган.
Эслатиб ўтамиз, Ўзбекисон Президенти Шавкат Мирзиёев бугун 60 ёшга кирди.
Изоҳ (0)