Iroqda IShID “politsiyasi boshlig‘i” yo‘q qilindi

IShIDning uch nafar oliy mansabli boshlig‘i Mosul yaqinida yo‘q qilindi, deb yozadi “Gazeta.ru” Iroq xalq lashkari bayonotiga tayanib.

“Jangchilar g‘arbiy Mosulda 20-iyul kuni ko‘ngillilar qo‘shini front orqasiga o‘tib olishga urinish chog‘ida o‘ldirilgan terrorchilar jasadlarini tanib olishga muvaffaq bo‘ldi, bular Tell-Afarada “islom politsiyasi”ni boshqargan Abu Imon, xudkushlarni yollash uchun javobgar bo‘lgan Abu Adbu Zaiziyo, shuningdek, IShID yashirin yacheykalari faoliyatini rejalashtirgan Nosir Abdulla Hodir al-Badraniydir”, — deyiladi bayonotda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.