AQShning Ukraina bo‘yicha maxsus vakili Ukraina sharqidagi aksilterrorchilik operatsiyalari hududida bo‘lib qaytgach, mintaqadagi vaziyat muzlatilgan nizo emas, balki qizg‘in urush bosqichida ekanligini aytdi, deb yozadi Forum Daily.
Tashrifi chog‘ida Kurt Volker mintaqa harbiy-fuqarolik ma’muriyati vakillari, harbiylar, shuningdek, Donbassning jabrlangan fuqarolari bilan uchrashdi.
“Men ushbu hodisalar tafsilotlari bilan tanishish uchun bu yerga shaxsan o‘zim keldim. Aytishim mumkinki, bu dahshatli fojia, axir biz Ukraina gullab-yashnayotgan davlat ekanligini bilamiz. Bining asosiy vazifamiz — Ukraina yaxlitligi va suverenitetini qayta tiklash. Mening tushunishimcha, bu muzlatilgan nizo emas, balki qizg‘in urushdir. Buning qiymati esa xavfli darajada baland — insonlar hayoti”, — dedi Volker.
Kurt Volkerning so‘zlariga ko‘ra, Donbassga tashrifidan so‘ng u Yevropa mamlakatlari hukumatlari vakillari bilan qator uchrashuvlar o‘tkazib, AQSh va uning ittifoqdoshlarining Ukraina sharqidagi vaziyatga nisbatan pozitsiyalarini birlashtirishni rejalashtirmoqda.
Izoh (0)