Qirg‘iziston va Qozog‘istonning elektr energiyasini sotib olish haqidagi muzokaralari muvaffaqiyatli yakunlanmadi. 16-iyundan boshlab elektr toki eksport qilinayotgan O‘zbekiston bilan uzoq davom etgan muzokaralar ijobiy natijalarga olib keldi, deb yozadi KNews Qirg‘iziston “Elektr stansiyalar” OAJ axborotiga tayanib.
Kompaniya ta’kidlashicha, bu yil Toktogul suv omborida ortiqcha suv bo‘lishi prognoz qilingan. “Elektr stansiyalar” OAJ tomonidan Qozog‘iston va O‘zbekistonning salohiyatli xaridorlari bilan elektr energiyasini yetkazib berish bo‘yicha muzokaralar boshlangan edi. Yakunda O‘zbekiston tomoni bilan kelishishga muvaffaq bo‘lishdi. 16-iyuldan O‘zbekistonga 2 sent narxda elektr energiyasini yetkazib berish boshlangan.
Kompaniya elektr energiyasi eksportining bunday hajmi Toktogul suv ombori to‘lib ketishidan qochish uchun yetarli emasligini qayd etdi. Suv omboriga 2017-yilning II choragida 8 milliard kubometr suv oqib kelgan (me’yor — 4,98 milliard), bu ko‘p yillar davomida o‘rtacha ko‘rsatkichdagi suv oqimidan 62 foizga ko‘proq demakdir.
Izoh (0)