Berilishi to‘xtatilgan avtokredit, elektr va gazdan uzila boshlangan qarzdorlar, Toshkentda quriladigan “Adolat saroyi” va kunning boshqa muhim xabarlari

19-iyulning e’tiborga molik yangiliklari — “Daryo”ning kechki dayjestida.

1. O‘zbekistonda banklar avtokredit berishni to‘xtatdi. “Afsuski barcha kredit liniyalari qayta moliyalash stavkasining oshishi hisobiga yopildi”.

2. Elektr energiyasi va gazdan qarzdorligi bo‘lgan iste’molchilarni tarmoqdan uzib qo‘yish boshlandi. Iste’molchilarga energiya resurslarini yetkazib berish 100 foizli oldindan to‘lov asosida amalga oshirilmoqda.

3. Toshkent shahrida “Adolat saroyi” kompleksi barpo etiladi. Bu haqdagi farmoyish O‘zbekiston Prezidenti Shavkat Mirziyoyev tomonidan qabul qilindi.

4. Toshkentning ikki tumanida gaz ta’minoti korxonalari 3,4 mlrd so‘mlik sun’iy qarzlarni “yopish” uchun ularni aholiga taqsimlagan. Ularni undirib olish uchun tegishli da’volar qo‘zg‘atilgan. Ammo ijro hujjatlarining bajarilishi ta’minlanmagan.

5. MH17 reysi fojiasi: 3 yil o‘tib yangi tafsilotlar. Aviahalokat oqibatida 283 yo‘lovchi va 15 nafar ekipaj a’zosi, jami o‘n mamlakat fuqarosi halok bo‘lgan edi.