O‘zbekiston Respublikasi Prezidenti Shavkat Mirziyoyev Toshkent shahrida “Adolat saroyi” kompleksini barpo etish choralari to‘g‘risida farmoyish qabul qildi.
Farmoyishda “Adolat saroyi”ni qurishdan maqsad sudlar ochiqligi va shaffofligi tamoyillariga amal qilinishini ta’minlash, sudlarning hokimiyatni mustaqil bo‘g‘ini sifatida obro‘sini oshirish, aholining odil sudlovga bo‘lgan ishonchini mustahkamlash, shuningdek, sudlar faoliyatida axborot-kommunikatsiya texnologiyalaridan foydalanishni yanada kengaytirishdan iborat ekanligi bildirilgan.
Mazkur kompleksda Sudyalar oliy kengashi, Konstitutsiyaviy sud, Oliy sud, Sud muammolarini o‘rganish tadqiqot markazi, Sudlar faoliyatini ta’minlash departamenti, O‘zbekiston sudlar assotsiatsiyasi va yangi tashkil etiladigan O‘zbekiston Respublikasi huquq akademiyasi binosi joylashishi ko‘zda tutilgan.
Badiiy akademiyaga O‘zbekiston Oliy sudi bilan birgalikda bir oy muddatda kompleks hududida o‘rnatish uchun buyuk davlat arbobi Amir Temur haykalini yaratish bo‘yicha tanlov e’lon qilish va o‘tkazish topshirildi.
Izoh (0)